Vuigengáibádusat
Guovlohálddahusvirgedoaimmahat lea nuppástusohcaneiseváldi áššiin, mat leat lágas sierra ásahuvvon.
Midjiide guovlohálddahusvirgedoaimmahahkii sáhttá dahkat vuigengáibádusa oahpahusa lágideaddji muhtun mearrádusain, mat gusket oahppi ja studeantta. Dasa lassin mii gieđahallat vuigengáibádusaid, mat gusket sierrafuolahus-prográmma ja sierrafuolahusa bálvalusaid mearrádusaid. Mii sáhttit vuigengáibádusa geažil gomihit dahje nuppástuhttit mearrádusa, jus dat lea lága vuostá. Mii sáhttit maiddái hilgut vuigengáibádusa.
Ná dagat vuigengáibádusa
Vuigengáibádusa dahkamii ii leat sierra skovvi, muhto dan galgá dahkat čálalaččat.
Vuigengáibádusas galget leat čuovvovaš dieđut:
- man guovdu gáibidat mearrádussii vuigema ja manin
- vuigengáibádusa dahkki namma ja oktavuođadieđut (poastačujuhus, šleađgapoasta, telefonnummir)
- kopiija dahje govva mearrádusas oktan nuppástusohcanrávvagiiguin.
Sáhtát laktit vuigengáibádussii maiddái eará áššegirjjiid, mat dorjot ovdanbukton gáibádusa.
Sádde vuigengáibádusa oktan čuvvosiiguin poastta fárus dahje šleađgapoasttas min registrerenkantuvrii. Liŋkka min registrerenkantuvrraid oktavuođadieđuide gávnnat dán siiddu loahpas.
Oahppiid ja studeanttaid guoski áššiin vuigengáibádus galgá dahkkot 14 beaivvi siste das, go mearrádus lea ožžojuvvon. Sierrafuolahusa áššiin nuppástusohcanáigi lea 30 beaivvi.
Vuigengáibádusa gieđahallan lea nuvttá.