Čääʹcc da pirrõs 

Čåuʹddep vuʹvddvaaldâšmkonttrest pirrõs-suõjjlem- da čääʹcclääʹjj meâldlaž ooccmõšaaʹššid.  

Pirrõs- da čääʹcclååʹvtummuž täävtõssân lij ooudpeäʹlnn cõggâd pirrõõzz pillšõõvvmõõžž da tõn vaar. Lååʹppmõõntõõllmõõžžâst suåvtet õʹhtte pirrõõzz âânnmõõžž leʹbe pirrõʹsse vaaikteei tååimaid ekolooglânji ǩeâllʼjeei naaʹlin. 
 
Lååʹvtummuš stään tõi meerlai vuõiggâdvuõđid, koid toiʹmmjummšest leʹbe haʹŋǩǩõõzzâst, koon lååʹvtet, vuäitče šõddâd hääitlaž seuʹrrjõõzz. Lååʹvtummuš pohtt še miõttlõs lååʹv vuäǯǯja vuõiggâdvuõttstaan viikkâd čõõđ haʹŋǩǩõõzz leʹbe harjjted toiʹmmjummšes lååʹv uʹvddem naaʹlin. 

Ooccmõõžž ǩiõttʼtõõllmest lij kuullâmpodd, koon veäkka ainsmâʹttep, što pukin meerlain lij vueiʹttemvuõtt vaaikted jieʹllempirrõõzz kuõskki tuʹmmjemtuõjju. 
 
Ooccmõõžž äʹššǩeeʹrj da uvddum tuʹmmstõõǥǥ õlmstââʹttet pirrõs- da čääʹcclooʹvi teâttkääzzkõõzzâst, koʹst tõid vuäitt tobdstõõttâd sutkkääiʹjest huõlǩani. 

Pirrõs-suõjjlemlääʹǩǩ da čääʹcclääʹǩǩ di tõi nuäjain uvddum šiõttõõzz âʹnne seʹst meärrõõzzid tõʹst, måkam tååimad leʹbe haʹŋǩǩõõzzid taarbšak lååʹv.