Sosiaal- já tiervâsvuotâpalvâlusah

Kuávluhaldâttâhvirgáduvâst mij stivrip já kocceep priivaat sosiaal- já tiervâsvuotâpalvâlusâi pyevtitteijei sehe mieđettep luuvijd priivaat palvâlusâi toimâmân. 

Sosiaalpalvâlusah

Sosiaalpalvâlusah láá

•    sosiaalpargo
•    sosiaalkocceem
•    päikkipalvâlusah
•    omâhâštipšom toorjâ
•    aassâmpalvâlusah
•    lájádâstipšom
•    perâtipšom
•    vajoidittem
•    párnái já perrui palvâlusah
•    aheulmui palvâlusah
•    vádulâšpalvâlusah
•    uáivádâspargo já uáivádâspalvâlusah

Sosiaalpalvâlusâi stivrim já kocceem

Mij stivrip já kocceep sehe kieldâlijd já priivaat sosiaalpalvâlusâid. Sosiaalpalvâlusâi stivrim já kocceem ulmen lii turviđ sosiaalpalvâlusâi toimâm laavâi mield. Mii pargon lii visásmittiđ äššigâsâi riehtitorvo já täsipiälálii kohtâlem 
Mij porgâp stivrim já kocceem ohtsâšpargoost Valvirain já sosiaal- já tiervâsvuotâministeriöin sehe páihálii tääsist kieldâiguin. 

Priivaat sosiaalpalvâlusâi loveh

Mist puáhtá uuccâđ love priivaat sosiaalpalvâlus pyevtitmân. Priivaat palvâlusah tievâsmiteh kieldâi faallâm palvâlusâid. Táválumos priivaat sosiaalpalvâlusah láá
•    párnái já nuorâi lájádâs- já perâtipšom 
•    palvâlemaassâm já päikkipalvâlusah.

Luuvâ lase sosiaal- já tiervâsvuotâpalvâlusâi luuvijn já almottâsâin

Tiervâsvuotâpalvâlusah

Tiervâsvuotâpalvâlusah láá
•    estâdeijee tiervâsvuotâhuolâttâs já tiervâsvuođâ ovdedem
•    vuosâtipšo já pyecceefievridem
•    spesialpyecceitipšo
•    päikkipyecceitipšo
•    škovlâtiervâsvuotâhuolâttâs
•    tálhudemvajoidittem
•    mielâtiervâsvuotâpalvâlusah
•    párnái ravviittâhpalvâlusah
•    uápputiervâsvuotâhuolâttâs
•    vuáđutiervâsvuotâhuolâttâs
•    kocceem já huápulâš tipšo
•    njäälmi tiervâsvuotâhuolâttâs
•    pargotiervâsvuotâhuolâttâs
•    enij- já eres ravviittuvah.

Tiervâsvuotâpalvâlusâi stivrim já kocceem

Mii toimâm viggá ovdediđ aalmug pyereestvaijeem já tiervâsvuođâ, ovdediđ sosiaal- já tiervâsvuotâpalvâlusâid sehe estâdiđ helbâm. Mij stivrip já kocceep tuu aassâmkieldâst faallâmnáál almolijd já priivaat tiervâsvuotâpalvâlusâid.

Syemmilii tiervâsvuotâhuolâttâsvuáháduv vuáđđun lii staatâ torjui olášuttum kieldâlâš tiervâsvuotâhuolâttâs. Kieldah västideh tiervâsvuotâhuolâttâspalvâlusâi ornimist. Toh pyehtih pyevtittiđ tiervâsvuotâpalvâlusâid ohtuu tâi hammiđ koskânis kieldâovtâstuumijd. Kieldâ puáhtá meiddei uástiđ tiervâsvuotâpalvâlusâid eres kieldâin, seervijn tâi priivaat palvâluspyevtitteijein.

Tiervâsvuotâpalvâlusah, moi ornimovdâsvástádâs lii kieldâst, láá luvâttâllum tiervâsvuotâhuolâttâslaavâst.

Priivaat tiervâsvuotâpalvâlusâi loveh

Mist lii válduášálâš ovdâsvástádâs priivaat tiervâsvuotâpalvâlusâi kocemist jieččân kuávluin.