Palvâlemhadeh

Kuávluhaldâttâhvirgáduv palvâlusâi hoodijn asâttuvvoo statârääđi asâttâssáin. Almosvuoigâdvuođâlijn čođâldâsâin peerrâmnáál máávsuh láá uásild fastâ já uásild miärášuveh čođâldâs jieškuástádâsáárvu mield, kuás máksu miärášuvá porgum tijmemere mield. Mieđetteijee já kieldee miärádâsah mäksih siämmáá ennuv, jis ääšist ij lah asâttum nubenáál.
Motomij palvâlusâi hadde miärášuvá markkânij vuáđuld. Tai oosijn hadeh vuáđuduveh Maadâ-Suomâ kuávluhaldâttâhvirgáduv miärádâsân.

Luuvâ lase Maadâ-Suomâ kuávluhaldâttâhvirgáduv miärádâsâst

Staatâ ruttâtuálu- já pargoviehâhaldâttuv palvâlemkuávdáš (Palkeet) vuolgât reekkig mii äššigâsân. Reekkig kalga mäksiđ mäksimpeeivi räi.

Jis keejah, ete máávsu meerridmist lii tábáhtum feilâ, puávtáh vaattâđ toos vuoigim. Tun koolgah vaattâđ vuoigim kuuđâ mánuppaje siste máávsu meerridmist. Vuolgât vuoigimpivduu ton kuávluhaldâttâhvirgádâhân, mii lii meridâm máávsu.

Čäcituálu- já pirâslopeääši kieđâvušmist peerrâmnáál máávsust puáhtá väidiđ Vaasa haldâttâhriähtán.

Kaavnah kuávluhaldâttâhvirgáduv palvâlusâi máksutavlustuv statârääđi asâttâs loopâst. Máksutavlustâh lii pdf-hámásâš já ton nommâ lii “Liite: Maksutaulukko”.