Aluehallintovirastojen toiminta päättyy vuoden 2025 lopussa. Suurin osa tehtävistämme siirtyy uuteen valtakunnalliseen Lupa- ja valvontavirastoon, joka aloittaa toimintansa 1.1.2026. Eläinten terveyttä ja hyvinvointia sekä elintarvikkeita koskevat tehtävämme siirtyvät Ruokavirastoon ja kilpailu- ja kuluttajahallinnon tehtävät Kilpailu- ja kuluttajavirastoon.
Lue lisää: Valtion aluehallinnon uudistus
Sosiálafuolahusa áššehasas lea vuoigatvuohta oažžut sosiálafuolahusa ollašuhttis lági dáfus buori sosiálafuolahusa ja buori meannudeami almmá vealaheami haga. Áššehasa galgá meannudit nu, ahte su vuođđooaidnu ja intimitehta gudnejahttojuvvojit ja ahte su olmmošárvu ii loavkašuhttojuvvo.
Sosiálafuolahusa ollašuhtedettiin galgá váldit vuhtii áššehasa sávaldagaid, oainnu, ovddu ja oktagaslaš dárbbuid sihke su eatnigiela ja kulturduogáža.
Sosiálafuolahusa áššehasa vuoigatvuođat ja geatnegasvuođat meroštallojuvvojit lágas sosiálafuolahusa áššehasa sajádagas ja vuoigatvuođain. Dát áššehasláhka gusto sihke almmolaš ja priváhta sosiálafuolahusa.
Áššehasas lea vuoigatvuohta oažžut lági dáfus buori sosiálafuolahusa.
Áššehasas lea vuoigatvuohta buori meannudeapmái, nu ahte su olmmošárvu, vuođđooaidnu ja intimitehta gudnejahttojuvvojit.
Áššehasa sávaldagat, oaidnu, ovdu ja oktagaslaš dárbbut sihke eatnigiella ja kulturduogáš galget váldot vuhtii, go sosiálafuolahus ollašuhtto.
Áššehasa iešmearridanvuoigatvuođa galgá gudnejahttit.
Áššehasas lea vuoigatvuohta oassálastit ja váikkuhit su bálvalusaid plánemii ja ollašuhttimii. Jus válddálaš áššehas ii nagot oassálastit ja váikkuhit iežas bálvalusaid plánemii ja ollašuhttimii, áššehasa dáhtu galgá čielggadit ovttasráđiid su lágalaš ovddasteaddjiin, oapmahaččain dahje eará lagaš olbmuin. Vuolleagát áššehasa oaidnu galgá váldot vuhtii su agi ja ahtanuššanagi mielde.
Áššehasas lea vuoigatvuohta oažžut čilgehusa su vuoigatvuođain ja geatnegasvuođain, doaibmabidjomolssaeavttuin ja daid váikkuhusain sihke áššis eará mearkkašahtti beliin.
Áššehas oažžu oahpásmuvvat su birra vurkejuvvon dieđuide ja bivdit boasttodieđuid divvuma. Áššehasas lea vuoigatvuohta oažžut dieđuid áššáiosolašsajádaga vuođul áššegirjjis, mii lea dahje lea sáhttán váikkuhit su ášši gieđahallamii.
Áššehasas lea vuoigatvuohta oažžut mearrádusa dahje soahpamuša sosiálafuolahusa ordnemis čálalaččat.
Áššehassii galgá váldonjuolggadussan ráhkadit áššehas- dahje bálvalusplána.
Áššehasas lea vuoigatvuohta ohcat mearrádussii nuppástusa dan láhkai go nuppástusohcanrávvagis daddjo. Nuppástusohcanráva lea mearrádusa čuovusin.
Áššehasas lea vuoigatvuohta dahkat cuigema su meannudeamis sosiálafuolahusa vástoolbmui dahje sosiálafuolahusa hoavdavirgehálddašeaddjái. Sus lea vuoigatvuohta maiddái dahkat guoddaleami iežas guovllu guovlohálddahusdoaimmahahkii.
Guoddalus iežas guovllu guovlohálddahusdoaimmahahkii
Gieldda sosiálaáššeolmmoš addá áššehassii dieđu su vuoigatvuođain ja veahkeha dárbbu mielde áššehasa ovdamearkka dihte cuigema dahkamis.
Áššehasas lea geatnegasvuohta addit sosiálafuolahusa ordnemis ja ollašuhttimis dárbbašlaš dieđuid.
Jus áššehas vásiha, ahte su leat boastut meannudan dahje dárbbaša rávvagiid áššehasa vuoigatvuođain ja geatnegasvuođain, su veahkehit vuosttažettiin gielddaid áššeolbmot. Sosiálaáššeolmmoš bálvala sihke almmolaš ja priváhta sosiálafuolahusa áššehasaid. Maiddái áššehasaid oapmahaččat ja eará lagaš olbmot sáhttet leat oktavuođas sosiálaáššeolbmui.
Sosiálaáššeolbmo doaimmat vuođđuduvvet nu gohčoduvvon áššehasláhkii, man mielde sosiálaáššeolmmoš
· rávve sosiálafuolahusa áššehasa su sajádahkii ja vuoigatvuođaide laktáseaddji áššiin
· veahkeha áššehasa dárbbu mielde dahkat cuigema suinna meannudeamis sosiálafuolahusa doaibmaovttadaga vástoolbmui dahje sosiálafuolahusa hoavdavirgehálddašeaddjái
· dieđihit áššehassii vuoigatvuođain
· doaibmá muđuidge áššehasa vuoigatvuođaid ovddideami ja ollašuhttima ovdii
· čuovvu áššehasaid vuoigatvuođaid ja sajádaga ovdáneami gielddas ja addá das čilgehusa jahkásaččat gielddaráđđehussii.
Sosiálaáššeolbmo bargu lea ráđđeaddi. Áššeolmmoš ii daga mearrádusaid iige mieđit ovdduid. Son ii maiddái sáhte rievdadit virgeoapmahačča dahkan mearrádusaid.
Sosiálaáššeolbmos sáhtát jearrat rávvagiid sosiálabálvalusaide laktáseaddji cuigema dahje mearrádussii guoski guoddalusa dahkamis.
Iežat gieldda sosiálaáššeolbmo oktavuođadieđuid oaččut gieldda telefonguovddážis ja dávjá maiddái gieldda neahttasiidduin.
