Päikkisaje: Kuáccám
Puásui-iššeed: Juha Kujala
Väripuásui-iššeed: Jarmo Aikkila
Rääji:
Rääji mana Pistojokis Kallioluoma palgâs rääji mield Multijärvin, kost Multikoski peht Välijärvin, tobbeen Vuolajärvi peht Tiirakkajärvin, Tiirakkajärvist Syväjoki mield Joukamon, Joukamost Muojoki mield Muojärvin, kost Keinässaari taavaabeln ain Rajasaari taveroobdâ mield, tobbeen čácáduv mield viestârân Kokkoniemi puotâ leijee paasi puotâ, paasi mield Kokkoniemin, tobbeen ain Nuuntamo čielgi já Kuáccám jäävri čácáduv peht viestârân Lakkisaarin, kost njuolgâ linjá mield Vilponlampi tavekiäčán, tobbeen Koivulampi peht Jormuanperän já ain Kurkijärvi mield Paakkusaarin, Paakkusaarist Isonruoppijärvi taveviestârkeeji mield Kitkajärvi Jäkälälahtin, tobbeen Kitka čácáduv mield Kesäjoki njáálmán já Kesäjoki mield ain Talvijärvin já tobbeen Saaruajärvi peht Vuosselijärvin já tobbeen Vuosselinjoki peht vuálus Kalliojärvin, kost Kalliojoki vuálus Vuotunkijärvin, tast Kuntijoki mield Kuntijärvin, Kuntijärvi nuorttiikeejist jeegi mield Tavajärvi mađijân já Tavajärvi maađij mield väldikode rááján, väldikode rääji mield vuálus vyelgimsajasis Pistojokin.
Estimäiđi: Oivanki já Akanlahti palgâsij kooskâst: Estimäiđi vuálgá Kurkijärvi riddoost Paakkusaari puotâ tavaskulij já juávdá Paakkula maađijpiällá čiehân já tast Paakkulantie verejáá räi. Äiđi juátkoo ain Haavikkosuo taveroobdâ mield já juávdá Isosuon, kost tot juátkoo tavenuorttâčievâst Isosuonpuro räi. Isosuonpurost ain tavekulmeest Haukivaaran mannee traktormaađij verejáá räi. Täst nuorttiikulmeest servikode páálstán, kost tavekulmeest Kallioisenaho räi. Kallioisenahost tavenuorttiikulmeest Nojosenvaara taveviältán (Hyvänniemenniittypalsta I, Hyväsenniemenniittypalsta II), kost Ruoppijärvi káárgu vuálá, tobbeen káárgu viestâr-, taveviestâr- já taavaabeln Ruoppijärvi pirrâ máddááriidon. Ruoppijärvi nube peln Ruoppivaara traktormaađij verejáá räi, tast Vesala máddáábeln, kost nuorttiibel jorgeetdijn Löytölamminpuronsuo máddáároobdân. Tast mainâšum jeegi mield vistig njuáidus tavekulmeest, tastoo njuáidus taveviestârkulmeest mon maŋa njuáidus viestârkulmeest Löytölamminpuro taavaabeln. Táágu tavekulmeest Ruávinjaargâ maađij piällán, kost stivrimnjävileh sehe nuortâs já viestârân.