Pyereestvaijeem já tiervâsvuođâ ovdedem

Pyereestvaijeem já tiervâsvuođâ ovdedem lii toimâm, mon mittomeerrin lii lasettiđ aalmug pyereestvaijeem já tiervâsvuođâ sehe käržidiđ tiervâsvuotâiäruid. Maaŋgâsuorgâg, luhostum pyereestvaijeem ovdedem váátá tuáimee ráhtusijd, mättim, tuárvi palvâlusâid já pyereestvaijeem ovdedempargo resursistem.  

Tuáimee ráhtusij rähtimist lii tehálâš, ete pyereestvaijeem já tiervâsvuođâ jođettem, koordinistem já vuávámeh siskeldittojeh väldikode, kuávlui já kieldâi pyereestvaijeem- já torvolâšvuotâvuávám uássin. Mij stivrip já tuárjup taan laavâst asâttum kenigâsvuođâ olášuttem eereeb iärrás kieldâi pyereestvaijeem já tiervâsvuotâovdedem ohtâvuotâolmoošviärmáduv iššijn.

Pyereestvaijeem, tiervâsvuođâ já torvolâšvuođâ ovdedem lii maaŋgâ sierâ tuáimee ohtâsâš pargo. Mij tuárjup já stivrip pargo kieldâin. Lasseen mij porgâp pyereestvaijeem já tiervâsvuođâ oovdedmist ohtsâšpargo kuávlulijn já väldikodálijn tuáimeiguin. Pyereestvaijeem já tiervâsvuođâ ovdedem lii maaŋgâsuorgâg já haldâttuv rasteldittee, já tuše uccâ uásáš pyereestvajemist pyevtittuvvoo sosiaal- já tiervâsvuotâpalvâlusâin.

Mii toimâsyergih (máttááttâs- já kulttuur-, sosiaal- já tiervâsvuotâ-, kááijum- já pirâstoimâ, pirâstiervâsvuotâ, pargosuojâlem sehe alkoholhaldâttâh) máhđulisteh kieldâi pyereestvaijeem, tiervâsvuođâ já torvolâšvuođâ ovdedem vijđes já maaŋgâsuorgâg ohtsâšpargo stivrim já tuárjum. Mij toimâp sierâlágán páihálijn já kuávlulijn viärmáduvâin sehe tuárjup pyereestvaijeem já tiervâsvuođâ ovdedem olášutmist. Mij čuávvup já vaiguttep pyereestvaijeem já tiervâsvuođâ ovdedem palvâlusâid.