Čääci já piirâs 

Mij čuávdip kuávluhaldâttâhvirgáduvâst pirâssuojâlem- já čäcilaavâ miäldásijd ucâmušaašijd.  

Pirâs- já čäciluuvij ornim ulmen lii estâdiđ muuneeld pirrâs pillâšum já ton vaarâ. Lopemonâttâlmist heiviittuvvojeh oohtân pirrâs kevttim tâi pirrâsân vaigutteijee tooimah ekologâlávt kilelis vuovvijn.  

Luuvij ornim torvee toi aalmugjesânij vuoigâdvuođâid, moid loveornimnáál toimâ tâi haahâ puávtáččij tovâttij vaahâglijd čuávumušâid. Luuvij ornim puáhtá meiddei miettee love finnejeijei riehtitorvo olášuttiđ haavâ tâi hárjuttiđ tooimâs love suovvâm vuovvijn. 

Ucâmuš kieđâvušmist lii kuullâmmuddo, moin mij visásmittep, ete puoh aalmugjesânijn lii máhđulâšvuotâ vaiguttiđ eellimpirrâsân kyeskee meridempaargon.  

Ucâmuš äššikirjeh sehe adelum miärádâs almostittojeh pirâs- já čäciluuvij tiätupalvâlusâst, kost toid puáhtá uápásmiđ pirrâ jándur. 

Pirâssuojâlemlaahâ já čäcilaahâ sehe toi vuáđuld adelum njuolgâdusah siskeldeh miärádâsâid tast, maggaar toimáid tâi havváid taarbâš love.