Almmolaš diehtunaddin
24.9.2021
Almmuhus gullama dihte Meahciráđđehusa ohcamušas meahccebivddu ráddjema dihte
Lappi guovlohálddahusdoaimmahat lea 16.6.2021 (dievasmahtton 27.8.2021) vuostáiváldán Meahciráđđehusa ohcamuša meahccebivddu ráddjemii báhčinvearjjuin viđa jagi mearreáigái meahcástanlága 23 § vuođul almmolaš dorvvolašvuođa dihte. Ohcamuša mielde báhčinvearjjuid atnima lea dárbu ráddjet čuozáhatguovlluin, mat leat ealaskas áhpásmuhttin- ja luondduturismaanus, áhpásmuhttinanu dorvvolašvuođa sihkkarastima dihte.
Meahccebivdoráddjehus guoskkašii eará meahccebivddu go
-
ealggavuojeheami, maiddái beatnagiin dan mielde, maid meahcástanlágas ja dan vuođul lea ásahuvvon
-
smávvafuođđuid rihtá- ja báhcahatbivddu ja dan oktavuođas heakkahuhttinvearjju atnima
-
stuorraspiriid vahágii vuođđuduvvi spiehkastatlohpebivddu Suoma Fuođđoguovddáža meahcástanlága 41 § vuođul mieđihan spiehkastatlobi mielde
-
guovllus bážas fuođđu vuohttima ja heakkahuhttima.
Čuozáhatguovlluid oamasta stáhta ja daid hálddaša Meahciráđđehus. Čuozáhatguovllut (buohk. 7861,5 há) leat čuovvovaš guovlluin:
-
Anár: Anára vánddardanguovlu, Juvduvári, Huáššiváári (Kortevaara) ja Juvdujoga gáddeguovllut váldogeainnu 75 oarjjabealde Čevrisnjeeri (Saukkoniva) rádjai (477,4 há).
-
Anár ja Soađegilli: Suoločielgi, Laanila, Gilonoaivi ja Urho Kekkonen álbmotmeahcci, turismaguovddáža lagašguovlu ja lagašguovllu bivnnuhis vánddardanmáđijat (6290,7 há).
-
Roavenjárga: Napapiiri vánddardanguovlu, Vikaköngäs ja Vaattunkivaara, Vaattunkiköngäs ja Könkäänsaari (112,6 há).
-
Salla: Salladuoddara turismaguovddáža lagašguovlu (407,1 há).
-
Posio: Riisitunturi álbmotmeahci beaivemáđijaid lagašguovlu (573,7 há).
Guovlohálddahusdoaimmahat várre daidda, geaid ruovttugielda lea muhtun bajábealde máinnašuvvon gielddain, dilálašvuođa boahtit gullot meahcástanlága 8 § ja 23 § vuođul ohcamuša geažil. Bealleváldimiid bivdit doaimmahit guovlohálddahusdoaimmahahkii 15.10.2021 rádjai šleađgapoastta bokte čujuhussii [email protected] dahje poastta fárus PL 3, 13035 AVI čujuhemiin diáranummirii LAAVI/968/2021.
Dát gullanalmmuhus lea almmustahtton guovlohálddahusdoaimmahaga neahttasiidduin 24.9.2021. Dán gullanalmmuhusa diehtunoažžun gehččojuvvo dáhpáhuvvan čihččet beaivve dán almmustahttinbeaivvis. Gullanalmmuhus ja ohcamuš kártačuvvosiiguin dollo 15.10.2021 rádjai oaidninláhkái árgan dmu 8.00 - 16.15 Lappi guovlohálddahusdoaimmahagas čujuhusas Valtakatu 2, 96100 Roavenjárga. Áššegirjjiid sáhttit maiddái bivddedettiin doaimmahit áššáiosolažžii.
Lassedieđuid addá njunušdárkkisteaddji Saana-Kaisa Ylitalo, tel. 0295 017 367, [email protected].
8.7.2021
Almmuhus mearrádusa oaidnimis Lappi guovlohálddahusdoaimmahagas
Lappi guovlohálddahusa 8.7.2021 áššis LAAVI/1053/2021 addin njoammudávdalága 16 § čuovvu mearrádusa gomiheapmi lea oaidninláhkái 31.7.2021 rádjai árgan dmu 8.00-16.15 Lappi guovlohálddahusdoaimmahagas čujuhusas Valtakatu 2, Roavenjárga. Mearrádus guoská njoammudávdalága 16 § čuovvu mearrádusa dearvvašvuođadárkkisteapmái oassálastimis rádjerasttildanbáikkiin Lappi buohccedikšunbiirres.
Dát almmuhus lea almmustahtton guovlohálddahusdoaimmahaga neahttasiidduin 8.7.2021. Dán mearrádusa diehtunoažžun gehččojuvvo dáhpáhuvvan čihččet beaivve dán almmustahttinbeaivvis.
LAAVI 924 20221 Lappi guovlohálddahusdoaimmahaga guovllu rádjerasttildanbáikkiid guoski njoammudávdalága 16 § čuovvu mearrádusa gomiheapmi
15.6.2021
Almmuhus mearrádusa oaidnimis Lappi guovlohálddahusdoaimmahagas
Lappi guovlohálddahusa 15.6.2021 áššis LAAVI/924/2021 addin njoammundávdalága 16 § čuovvu gieldinmearrádus lea oaidninláhkái 31.7.2021 rádjai árgabeaivve dmu 8.00-16.15 Lappi guovlohálddahusdoaimmahagas čujuhusas Valtakatu 2, Roavenjárga. Mearrádus guoská njoammundávdalága 16 § čuovvu mearrádusa bákkolaš dearvvašvuođadárkkisteapmái oassálastimis.
Dát almmuhus lea almmustahtton guovlohálddahusdoaimmahaga neahttasiidduin 18.6.2021. Dán mearrádusa diehtunoažžun gehččojuvvo dáhpáhuvvan čihččet beaivve dán almmustahttinbeaivvis.