Bálvalanhattit

Guovlohálddahusvirgedoaimmahaga bálvalusaid hattiid birra ásahuvvo stáhtaráđi ásahusain. Mávssut, mat berrojuvvojit almmolašvuoigatvuođalaš čađahemiin, leat oassái fásta ja oassái mearrašuvvet čađaheami iežasgoasttádusárvvu mielde. Dalle máksu mearrašuvvá dahkkon diibmomeari mielde. Miehtemielalaš ja gieldi mearrádus máksá seammá veardde, jus áššis ii leat nuppe láhkai ásahuvvon.

Muhtun bálvalusaid haddi mearrašuvvá fitnodatekonomiija vuođul. Dáin hattit vuođđuduvvet Mátta-Suoma guovlohálddahusvirgedoaimmahaga mearrádussii.

Loga lasi Mátta-Suoma guovlohálddahusvirgedoaimmahaga mearrádusa birra.

Stáhta ekonomiija- ja personálahálddahusa bálvalanguovddáš (Palkeet) sádde min áššehassii rehkega. Rehkega galgá máksit earrebeaivvi rádjai.

Jus oainnát, ahte mávssu mearrideamis lea dáhpáhuvvan feaila, sáhtát gáibidit vuigema. Galggat gáibidit vuigema guđa mánu siste mávssu mearrideamis. Sádde vuigenbivdaga dan guovlohálddahusvirgedoaimmahahkii, mii lea mearridan mávssu.

Mávssus, mii berrojuvvo čáhceekonomiija- ja biraslohpeášši gieđahallamis, sáhttá váidalit Vaasa hálddahusriektái.

Guovlohálddahusvirgedoaimmahaga bálvalusaid máksotabealla gávnnat stáhtaráđi ásahusa loahpas. Máksotabealla lea pdf-hámis ja dan namma lea "Liite: Maksutaulukko".