Vuʹvddvaaldâšmkonttâr
Ooudâsviikkâp vuâđđvuõiggâdvuõđi da vuõiggâdvuõttstaan teâuddjummuž, vuâđđvuõiggâdvuõđi vuäǯǯamvuõđ, pirrõs-suõjjlummuž, pirrõõzz ǩeâllʼjeei âânnmõõžž, siiskâž staanvuõđ di tiõrvvsallaš da staanâs jieʹllem- da reâuggpirrõõzz vuuʹdin. Håiddap še lääʹjjšiõttummuž toimmupiijjâm-, ohjjeem- da vuåppâmtuâjaid vuuʹdineen.
Mij toiʹmmjummuž ohjjee lääʹjj di kääuʹc ministeria. Leäʹp ministeriai eeʹttkõʹstti vuuʹdin da tuejjeep tuâjaid, koid vuäǯǯap tõin.
Maadd-Lääʹddjânnmest lie kutt vuʹvddvaaldâšmkonttâr Saujj-Lääʹddjânnam, Nuõrtt-Lääʹddjânnam, Lappi, Lieʹtni-Lääʹddjânnam, Viõstâr- da Siiʹsǩ-Lääʹddjânnam di Tâʹvv-Lääʹddjânnam.
Ålaand vuʹvddvaaldšemveʹrǧǧneǩ lij Ålaand riikkveʹrǧǧkoontâr.
Mij visio
Ǩeâllʼjeei pueʹttiääiʹj tuejjeʹmmen – oummi da vuuʹdi pueʹrren
Mij äärv
Vuâlggsââʹjjen äʹššneǩ
Kääzzkâʹsttep ouddǩiõʹtte, vuõiggvuõđmeâldlânji, jåʹttlânji da intreeʹssid õʹhtte suânnʼjeeʹl.
Äʹšštobddivuõtt
Taʹrjjeep mij äʹššniiʹǩǩid pueʹrmõs äʹšštobddmõõžž da teâđ. Oođeep aktiivlânji mij silttummuž.
Õhttsažtuâjj
Reâuggap õõutveäkka vaaikteeʹl da šâddsânji vaaldâšm raajid râstldeeʹl. Oouʹdeep mij toiʹmmjummuž äävnallšeld da vuârrvaaiktõõzzâst mij õhttsažtuâjjkuõiʹmi- da äʹššniiʹǩǩivuiʹm.
Mij strateeglânji tääʹrǩmõs äʹššvuuʹd
- Staaneep pueʹrrvââjjmõõžž da õõutverddsažvuõđ
- Lââʹzztep jieʹllemviõǥǥ
- Tääʹvtõõllâp illneutraalvuõđ
- Äʹššneǩ-kõskkvuõđ da digitalisaatio
- Õhttsaž toiʹmmjemnääʹl da kueiʹmmvuõđ
- Tuâjjlažkåʹdd da tuâjjõutstõs