Iskkuseallit

Suomas iskkusealliid atnet

  • dieđalaš dutkamušas

  • oahpahusas

  • testemis.

Dieđalaš dutkamuš dahkko eanaš universitehtain ja dutkanlágádusain. Dieđalaš dutkamuššan adno sihke vuođđodutkamuš ja heiveheaddji dutkamuš. Juohke dutkanfidnu lea oktagaslaš ja atná dasa heivvolaš ealliidmálliid.

Oahpahusas atnet hui unnán ealli ealliid. Daid oažžu atnit dušše allaskuvladási skuvlemis dahje dakkár oahpahusas, man olahussan lea ámmátdáiddu skáhppon dahje ovdánahttin. Ámmátdáidduin dárkkuhuvvojit dakkár geavada dáiddut, mat dárbbašuvvojit ealliid giehtadallamis ja doaibmabijuid dahkamis.

Testemis ealliid sáhttet geavahit dakkár iskosiin, mat dahkkojit lágas mearriduvvon gáibádusaid dihte. Dain sáhttet dutkat ovdamearkka dihte dálkkasávdnasiid ja kemikálaid dorvvolašvuođa. Dákkár testen dahkko Suomas earenoamáš unnán.

Eana- ja meahccedoalloministeriija: diehtu suopmelaš doaimmas, láhkaásahusas ja doaimma stivrejeaddji virgeoapmahaččainLiŋka nuppi siiduiRahpasa ođđa siiddus,

Siidduin lea diehtu maiddái iskkusealliid buresveadjima ráđđádallangotti birra (TOKES; ealliid, maid geavahit dieđalaš dahje oahpahusdárkkuhussii, suodjalusa ráđđádallangoddi).

Iskkusealliid geavahanmearit

Mii čoaggit Mátta-Suoma guovlohálddahusdoaimmahagas jahkásaččat dieđuid iskkusealliid geavaheamis. Mii dahkat dieđuidčoaggima EU ráhkadan njuolggadusaid mielde. Lassedieđuid sáhtát bivdit šleađgapoasttain čujuhusas ella(at)avi.fi.

EU:s oktiibuot geavahuvvon ealliid statistihkkadieđuid 2015—2017 gávnnat kommišuvnna siidduin. Doppe gávdnojit liŋkkat maiddái lahttoriikkaid almmuhan statistihkkadieđuide.

EU:s oktiibuot geavahuvvon ealliid statistihkkadieđut 2015—2017 kommišuvnna siidduinLiŋka nuppi siidui,

Sáhtát bivdit ovddit jagiid dieđuid čujuhusas ella(at)avi.fi.

Fidnolohpelávdegoddi mieđiha lobiid ealliidiskosiidda

Ealliidiskkuslobiid gieđahallá ja čoavdá fidnolohpelávdegoddi. Ovdal dan namma lei ealliidiskkuslávdegoddi ELLA.

Lávdegotti doaibmaáigodat lea vihtta jagi.

Lávdegottis leat

  • 16 lahtu

  • 16 várrelahtu

  • ságadoalli

  • várreságadoalli.

Lávdegotti lahtut ovddastit áššedovdámuša sierra surggiin:

  • dieđalaš dutkamuš

  • ealliid dikšun ja iskkusteknihkat

  • ealliid medisiidna

  • geavada ealliidsuodjalanbargu ja ehtalaš gažaldagat.

 

Mátta-Suoma guovlohálddahusdoaimmahaga áššemeannudeaddjit gárvejit ohcamušaid lávdegotti gieđahallamii. Lávdegoddi doaibmá njealljin juogusin, mat čoahkkanit vurrolagaid gieđahallat ohcamušaid.

Juogus sáhttá sirdit ohcamuša gieđahallama lávdegoddái. Dalle buot juhkosat leat mielde. Ná doibmojuvvo, jus

  • ohcamuššii laktása linjengažaldat

  • juogus ii mieđit lobi fidnui

  • juogus ii leat ovttamielas lobi mieđiheamis.